Este traballo realiza unha aproximación á escrita electrónica en lingua galega, se ben que tamén ofrece consideracións relevantes para o resto dos idiomas, dado que a escrita electrónica se xerou de forma universal. Noutras palabras, non é exclusiva de ningunha lingua, senón que se trata dun fenómeno que, revestido de diferentes abreviaturas, é común a todas elas. Estes novos códigos de representación da linguaxe son amplamente usados en moitos dos sistemas de comunicación mediados por computador, tanto nos medios sincrónicos como nos asincrónicos, cal os chats e as SMS respectivamente. A nosa investigación focalizará a súa atención na escrita destes dous sistemas comunicativos, xa que debido ás características técnicas do soporte en que se producen constitúen os seus máximos expoñentes.

Lingua, novas tecnoloxías, chat, SMS, texto electrónico.